ՀԱՅԱՍՏԱՆԻ ՊԵՏԱԿԱՆ ՀԻՄՆԱՐԿՆԵՐԻ, ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ԵՎ ՀԱՍԱՐԱԿԱԿԱՆ ՍՊԱՍԱՐԿՄԱՆ ԱՇԽԱՏՈՂՆԵՐԻ ԱՐՀԵՍՏԱԿՑԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ՃՅՈՒՂԱՅԻՆ ՀԱՆՐԱՊԵՏԱԿԱՆ ՄԻՈՒԹՅԱՆ ՆԱԽԱԳԱՀՈՒԹՅԱՆ



ԲԱՑ ՆԱՄԱԿ



Հայաստանի Հանրապետության նախագահ պարոն Սերժ Սարգսյանին

Հայաստանի Հանրապետության Ազգային ժողովի նախագահ պարոն Հովիկ Աբրահամյանին

Հայաստանի Հանրապետության վարչապետ պարոն Տիգրան Սարգսյանին


Հայաստանի պետական հիմնարկների, տեղական ինքնակառավարման մարմինների եւ հասարակական սպասարկման աշխատողների արհեստակցական կազմակերպությունների ճյուղային հանրապետական միությունը իր մտահոգությունն է հայտնում գազի եւ էլեկտրաէներգիային գների բարձրացման կապակցությամբ:



        Պետական եւ տեղական ինքնակառավարման մարմինների համակարգում աշխատողները, նույնիսկ միջինին մոտ աշխատավարձ ստացողները, գազի եւ էլեկտրաէներգիայի գների բարձրացման արդյունքում ստիպված կլինեն աշխատավարձի մեծ մասը վճարել կոմունալ ծախսերի համար: Եթե հաշվի առնենք, որ գազի եւ էլեկտրաէներգիայի գների բարձրացման հետ փոխկապակցված անխուսափելի է նաեւ որոշ սպառողական ապրանքների, ծառայությունների եւ սննդամթերքի թանկացումը, ապա հասարակության լայն շերտեր կհայտնվեն աղքատության շեմին:


      Գտնում ենք, որ Հայաստանի Հանրապետության իշխանությունները պետք է ձեռնարկեն բոլոր հնարավոր միջոցները` մեղմելու այդ թանկացումների հետեւանքը բնակչության համար: Հայաստանի Հանրապետության քաղաքացին պետք է իրեն պաշտպանված զգա իր իսկ երկրում, այլապես այս ամենը կբերի անկանխատեսելի հետեւանքների:


                                                                                                                

   Ճյուղային հանրապետական արհմիության նախագահություն, 07.06.2013թ.

<

Հրապարակել այս նորությունը սոցցանցերում՝

Հայաստանի պետհիմնարկների ճյուղային արհմիություն labor protection